Потребни состојки:
600 г брашно
½ коцка свеж квасец
1 лажичка сол
4 лажички шеќер (или не мора)
150 г путер/маргарин
Фета сирење
Кулен
1 јајце
1 лажичка масло
250 мл млеко
За премачкување:
1 јајце, сусам, семки…
Постапка:
Ставете го квасецот во топло млеко со лажица брашно и шеќер, за да се активира. За тоа време во длабок сад ставете брашно, јајце, 100 г путер/маргарин, сол, шеќер и квасец, па замесете тесто.
Тестото оставете го кратко да одмори и да се дигне. Намачкајте го тестото со преостанатите 50 г путер/маргарин.
Развлечете го, наредете на краевите или на средината фета и кулен. Свиткајте ролнички и редете ги во плех обложен со хартија. Оставете малку да се дигнат, премачкајте ги со јајце и поросете со сусам или по желба. Печете на 180 степени околу 20-тина минути.
