Исклучително здрава чорба, идеална за секој ден, како и за неделен ручек или некоја друга пригода.
Потребно:
Пилешко месо за супа (тоа се остатоци од пилешко, кога од целото пиле ќе се отсечат батаците, карабатаците и белото месо).
10-тина ситни цветчиња карфиол
10-тина цветчиња брокула
2 моркови исечкани на тркалца
1 главица кромид (цела главица, не се сечка)
1 чешне лук
2-3 супени лажици гриз
2 јајца
2 кафени лажички сол
малку вегета
½ лажичка ѓумбир или црн пипер по вкус
Постапка:
Пилешкото и кромидот ставете ги да се варат во околу 3 литри вода. Пред самиот крај додадете брокула, карфиол и морков, додадете ѓумбир и вегета. Варете додека да омекнат намирниците.
Кога се’ е сварено, извадете го месото и кромидот. Месото се чисти од коски, се сечка ситно и се враќа во чорбата.
Во меѓувреме, изматете со виљушка јајца со 2 лажици гриз, па смесата разредете ја со малку течност од чорбата, па полека со постојано мешање додадете повторно во чорбата.
Гответе уште околу 3 минути и царската чорба е готова.
