Денешниот ручек беше толку вкусен што ми побараа утре пак да им го направам

Многу вкусно и сочно јадење!

Потребни состојки:

500 г пилешко бело месо или мелено месо по ваш вкус
2 мали изрендани тиквички
3 млади кромитчиња
4 лажички ситно сечкан коријандер или магдонос
1 чешне лук (или повеќе по вкус)
1 лажичка сол или по вкус
½ лажичка црн пипер или по вкус
сув зеленчуков зачин по вкус (вегета)
маслиново масло
бешамел сос или течна неутрална павлака за готвење

Постапка:

Тиквичките откако ќе ги изрендате ќе пуштат малку течност, па исцедете ги.

Пилешкото ситно исечкајте го или сомелете го на машина. Може да користите и било какво друго мелено месо.

Потоа сите наведени состојки помешајте ги добро. Од добиената смеса направете плескавици.

На тава на врело масло запржете ги плескавиците од една и од друга страна додека да заруменат.

Потоа редете ги во тепсија или плех, а потоа прелијте ги со течна павлака или бешамел сос, а одозгора наросете рендан кашкавал.

Запечете ги во загреана рерна на 220 степени околу 15-тина минути. Послужете топло.

Loading...