Потребни состојки:

300 г бело пилешко месо

150 г печурки

100 г морков

3 пиперки: црвена, жолта и зелена

2 тиквички

Сол, црн пипер, мелен црвен пипер, магдонос

Малку маслиново масло

Малку доматен сос

Постапка:

Во тефлонско тафче што не лепи загрејте го маслото, па додадете месо исечено на шницли или на коцки, кратко пропржете околу 5-8 минути, па додадете ги сечканите печурки и морков.

Динстајте додека зеленчукот да омекне а потоа додадете ги и сечканите пиперки и тиквички. Сето помешајте го и уште малку издинстајте.

На крај додадете ги зачините по вкус и доматниот сос.