Овој рецепт го наследив од мајка ми, а првпат кога ги проба, мојот маж ми рече дека поубави пиперки не јадел досега, ниту во ресторан не пробал подобри од овие.

Потребни состојки:

50 црвени меснати пиперки
250 мл масло
250 мл оцет
1 рака шеќер
1 рака сол
2-3 главици лук
2 китки магдонос
1 кесичка црн пипер во зрно

Постапка:

Пиперките испечете ги, излупете ги, но вадете им ги само дршките. Оставете ги цели.

Маслото со оцетот ставете ги да зовријат заедно со шеќер и сол.
Кога маринадата ќе зоврие, ставете ги пиперките малку да се проварат.

Ова правете го на тивок оган и немојте да мешате, туку само протресете ја шерпата. Пиперките маринирајте ги максимум 10 минути.

Лукчето исечкајте го и промешете го со сечкан магдонос и црн пипер.

Кога малку ќе изладат пиперките, редете во тегли: ред пиперки па лук и магдонос, па повторно пиперки и сè така.

Полијте со маринада и оставете ги теглите отворени преку ноќ.

Наутро дотурете уште малку маринада и затворете ги теглите. Чекајте ја зимата : – )