Преубави печива погачица – кифли со сирење. Фини, меки, вкусни и излегуваат доста. Според изгледот потсетуваат на мали лепчиња.
Од оваа количина брашно излегуваат баш доста погачици. Ги полниме со сирење или по вкус.
Потребни состојки:
800 г брашно тип 400
1 сув квасец (7 г)
2 јајца
300 мл топло млеко
180 мл масло
2 лажици шеќер
1 лажичка сол
сирење за фил
2 жолчки и малку млеко за премачкување
Постапка:
Во поголем сад ставете 7 г сув или 20 г свеж квасец, 2 лажици шеќер и 300 мл топло млеко. Промешајте, поклопете и оставете го квасецот да се активира. Потоа додадете две јајца, една лажичка сол и 180 мл масло.
Промешајте да се изедначи, па постепено додавајте го брашното и матете со жица матење. Потоа продолжете да месите со рака додека да добиете средно меко тесто кое не се лепи на рака.
Тестото покријте го со проѕирна фолија и оставете го на топло место за да ја удвои својата величина. Потоа истресете го на набрашнета работна површина, и од него (без премесување) вадете топчиња и со оклагија развлечете ги во правоаголна форма. Ставете фил и спојте ги краевите како затворен чамец да добие форма на мини лепче.
Разматете две жолчки со виљушка, па додадете им малку млеко. Премачкајте ги одозгора и по желба наросете ги со сусам. За поубав изглед засечете ги со неколку коси линии. Печете ги во загреана рерна на 190 степени околу 15-20 минути.
Деталите околу постапката можете да ја погледнете во видеото:
