„Растурено“ слатко од модри сливи и ореви

На сите им е позната варијантата за слатко од цели сливи со јатка орев во нив, но ова е исто така превкусно „растурено“ слатко.

Потребни состојки:

1 кг сливи
1 кг шеќер
1 лимон
1 стапче ванила или екстракт
1 лажица рум – не мора
150 г сечкани ореви

Постапка:

Сливите излупете ги и преполовете ги, а оревите ситно исечкајте ги.

Шеќерот сварете го со една чаша вода.

Кога шеќерот ќе се растопи додадете ги сливите и варете ги околу 20 минути на тивок оган. Внимателно мешајте и тргајте ја пената од врвот.

После 20 минути се додаваат оревите, лимонот исечкан на тркалца, ванилата и румот.

Варете го слаткото уште 15 минути. Кога е варено го прекриваме со влажна крпа и го оставаме преку ноќ.

Следниот ден се складира во тегли и се чува на ладно и темно место.

Loading...